Што се случува со телото кога сме во близина на море?
Спонзорирано од:
Спонзорирано од ОгласиЗаРабота.мк
Референт 23-08-2019


Што се случува со телото кога сме во близина на море?

Многумина едвај чекаат да дојде лето и да можат да отидат на море да се релаксираат. Но, морето не нè релаксира само поради фактот што тогаш конечно можеме да се опуштиме ментално.

shto-se-sluchuva-so-teloto-koga-sme-vo-blizina-na-more-01.jpg

Имено, морето ја менува хемијата на нашите тела. Според научниците, морето го менува нивото на хормони, го забавува чукањето на срцето, го подобрува расположението...

Луѓето со децении ги разбирале здравствените ефекти на морето. Во 18-тиот век, лекарите како Вилијам Бучан го поттикнувале капењето во море бидејќи верувале дека има медицински придобивки.

Биле поставени и посебни „морски“ болници за оваа намена. Денес можеме да кажеме дека овие научници биле во право, бидејќи се покажа дека ефектот на морето врз луѓето е навистина огромен.

shto-se-sluchuva-so-nasheto-telo-koga-sme-pokraj-more-02.jpg

Еден од ефектите бил откриен од тим научници кои сакале да најдат поврзанот помеѓу близината на морето и здравјето. Овој проект бил наречен BlueHealth.

Научниците откриле дека звуците на морето ја стимулираат областа од мозокот позната како префронтален кортекс. Овој дел од мозокот е одговорен за нашите емоции и личната рефлексија. Научниците откриле дека звуците на морето ја прошируваат и ја подобруваат свесноста, но и емоционалната благосостојба.

shto-se-sluchuva-so-teloto-koga-sme-vo-blizina-na-more-002.jpg

Океанските бранови исто така имаат улога во нашето здравје, без разлика колку нереално ви звучи ова.

Според истражувањата, кога сме на плажа нашите тела ги апсорбираат негативните јони што се ослободуваат од морските бранови. Ова го поттикнува телото да апсорбира повеќе кислород и да го регулира нивото на серотонин.

Резултатот е чувство на смиреност што е слично како после вежбање јога.

shto-se-sluchuva-so-teloto-koga-sme-vo-blizina-na-more-03.jpg

Експертите сметаат дека вревата од морето го намалува и нивото на кортизол, хормонот на стрес, и предизвикува смиреност. Исто така тие сметаат дека овој звук нè потсетува на звукот на срцето на мајката што го слушаат бебињата за време на бременоста на жените.

Тоа би имало емоционално влијание поврзано со чувства на заштита и безбедност.

shto-se-sluchuva-so-nasheto-telo-koga-sme-pokraj-more-04.jpg

Кога го гледаме морето или кога сме покрај брегот, се наоѓаме во предвидливо и стабилно опкружување. Се чувствуваме безбедно кога сме на место слободно од закани како диви животни во џунглата или криминалци во големиот град.

Површината на морето што се губи на хоризонтот ни дава чувство на стабилност и сигурност.

Друго истражување покажало дека за време на сончање, топлината има влијание врз ендокриниот систем. Ова пак го поттикнува лачењето на ендорфини, истите хемикалии што ве прават среќни секогаш кога уживате во чоколадо.

Сепак, потребно е да бидете внимателни и да не излегувате на сонце без заштитна крема.

shto-se-sluchuva-so-teloto-koga-sme-vo-blizina-na-more-04.jpg

Спирова С. | Црнобело

Би можело да ве интересира:

Колку време им е потребно на мажите, а колку на жените за едни исти ра... Можете ли да поверувате дека мажите поминуваат повеќе време на лична хигиена отк...
До колку години вашиот живот треба да биде „ставен во ред“? Некои луѓе се жалат дека љубовниот живот им е катастрофа, други ја мразат својат...
Идеи за летен пикник на плажа заради кои ќе посакате да сте покрај мор... Голем пешкир послан на песок, корпа со сезонско овошје, крофни, даска со млечни ...