„Без навреда, но...“ - Фрази со кои никогаш не треба да започнувате реченица

Психолошкиот ефект на тоа како ја започнуваме реченицата е голем. Понекогаш не сме ни свесни дека со користење на одредени фрази, всушност испраќаме погрешна порака до соговорникот.

Во продолжение ќе ви откриеме кои фрази не треба да ги користите кога ќе започнете разговорот, бидејќи истите ќе создадат погрешен впечаток кај соговорникот:

„Да бидам искрен…“

Доколку ја започнете реченицата со оваа фраза вашиот соговорник може да се запраша дали до сега не сте биле искрени со него.

Поради ова дополнување нашата реченица, односно нашиот став, го губи кредибилитетот.

„Без навреда, но…“

Веднаш штом соговорникот ќе ги слушне овие зборови, тој потсвесно ќе се подготви за навреда. Кога критикуваме некого, треба да бидеме многу внимателни.

Можете отворено да го прашате соговорникот дали сака да слушне конструктивна критика. Подобро е да ја започнете реченицата со „Загрижена сум бидејќи…", а потоа да го објаснете вашиот став.

„Ќе звучи глупаво…“

Оваа фраза создава впечаток дека немате доверба и дека не верувате во она што го кажувате. Пред сè, може да ви наштети во ситуации во кои се бара преземање на иницијативата.

„Да бев на твое место…“

Во ситуации во кои никој не го бара вашето мислење оваа фраза е дефинитивно непожелна. Ако некој го побара вашиот совет, избегнете ја оваа фраза, бидејќи со неа порачувате дека вие знаете подобро.

Наместо тоа, користете фрази како „можеби би можела да се обидеш…“ или „дали си размислил за тоа да… ".

„Можеби грешам, но…“

Земете го вашиот став и бидете јасни. Ако мислите дека сте во право тогаш кажете го тоа.

„Знам точно како се чувствуваш…“

Внимавајте на оваа фраза, особено ако разговарате со некој што, на пример, тагува. Никогаш не можеме да претпоставиме како некој се чувствува, бидејќи болката е индивидуална работа.

Објаснете ја вашата конотација или разбирање на поинаков начин, и запомнете дека во овие ситуации луѓето обично имаат потреба од поддршка и некој што ќе ги слуша во тишина.

Ашера | Црнобело