20 животни совети од 104-годишен Русин: Отспијте барем половина час во текот на денот

Советите од Русинот кој доживеал 104 години ќе ве натераат да ги преиспитате вашите животни навики.

Според него, важно е да примените 20 животни правила:

1. Научете да уживате во „живите“ работи околу вас – земјата, небото, тревата, животните, птиците... Гледајте ги љубезно, со полно срце и тие ќе ви возвратат. Тоа е знаење и доживување кое нема да го најдете во ниту една книга.

2. Одвојте време за да стоите боси на земја.

3. Зграбете ја секоја прилика да бидете во близина на вода. Тоа ќе ве исчисти од заморот и ќе ви ги прочисти мислите.

4. Пијте чиста вода секогаш кога имате шанса, не чекајте да бидете жедни. Тоа е најдобар лек.

5. Зеленчукот и овошјето треба да се најде на вашето мени секој ден. На прво место е цвеклото. Потоа се гравот, тиквата, шумското овошје, морковот, доматот, пиперките, спанаќот, марулата, јаболката, грозјето и сливите.

6. Ако можете, не јадете месо. Или јадете ретко.

7. Преработената и конзервирана храна е лоша.

8. За да јадете помалку, пијте многу вода и јадете компот, проста храна која лесно се разградува и свеж зеленчук. Од четврток навечер до петок навечер, јас лично не јадам ништо. Само пијам вода.

9. Постот е најголема милост за телото.

10. Сонцето изгрева и заоѓа за вас. Работата нека престане кога сонцето ќе зајде. Кога ќе се навикнете на ова, телото ќе ви стане поздраво, а мозокот ќе ви биде поодморен и бистар.

11. Треба да отспиете барем половина час во текот на денот.

12. Помалку седете.

13. Обидете се да престојувате на отворено, на свеж воздух и под умерена сончева светлина.

14. Зајакнете го телото со билки. Пијте чаеви.

15. Не заборавајте да консумирате јаткасти плодови, тие се моќна храна за нашиот мозок.

16. Бидете љубезни и внимателни со луѓето. Од секого, макар и површно, може да научите по нешто.

17. Она што ви е судено – ќе биде ваше. Само треба трпеливо да чекате. Не ја оптоварувајте душата со тоа.

18. Не верувајте на предрасудите и претскажувањата.

19. Кога се чувствувате лошо, шетајте. Тагата ќе ве натера да откриете нови хоризонти.

20. Повеќе движете се. Мрзеливите луѓе се несреќни луѓе.

М. Д. | Црнобело