Број на партнери, влакна и уште 6 работи што жените ги кријат од мажите

Обично мажите се мистериозни суштества, па неретко е вистински предизвик да откриете што мислат. Но, доколку сме реални, и жените не се многу поразлични. Имено, уште од најрана возраст, постојат некои работи што ние жените ги криеме од мажите по секој цена.

Без разлика дали причината е страв, срам или нешто друго, сигурно и вие ретко ги признавате или разговарате за овие нешта со мажите.

Влакна и депилација

Поради некоја причина, секоја жена се обидува да ги скрие влакната како знае, особено на почетокот од врската. Покрај самата депилација, ретко која жена би му кажала на партнерот кој дел од телето ѝ е највлакнест.

Сите жени го негуваат изгледот „без ниту едно влакно“ и овде спаѓа депилација од лицето, па сè до стапала.

Демнење на социјалните мрежи

Признајте дека барем еднаш сте ги демнеле бившите партнерки на вашито дечко. Се разбира, ова никогаш нема да му го признаете на партнерот, но благодарение на Фејсбук и Инстаграм, имате способност да ја дознаете целата љубовна историја на вашиот партнер.

Бројот на партнери

Ретко која жена ќе го каже точниот број на партнери, а веројатно и вие спаѓате овде. Причината е едноставна – не сакате да се оправдувате, не сакате да се чувствувате „посрамотено“ и не сакате да создавате непотребна драма во врската. Оваа мала лага нема да му наштети на партнерот, а вас ќе ве заштити од многу прашања.

„Скриншот“ од разговорите

Девојките неретко прават скриншот од разговорите со партнерите или момчињата што им се допаѓаат, но со добра намера. Едноставно сакаат да добијат совет од пријателките. Кој друг освен пријателките може да ви помогне да го смислите најдобриот одговор за неговото глупаво прашање?

Отворените разговори со пријателките

Можеби мажите немаат навика да ги споделуваат најинтимните детали од нивната врска. Но, жените сакаат да коментираат за буквално сè. Тие разговараат за она што им го кажал партнерот, како ги погледнал, што облекол, но и за првиот состанок, првиот бакнеж, сексот...

Колку време им е потребно за подготвување

Факт е дека жените трошат многу време на својот изглед, но ретко кога ќе го признаат тоа. Доколку партнерката ви испрати беспрекорна фотографија и ви каже дека се разбудила така, најверојатно тоа е лага.

А кога е време за излегување, одбирањето облека, шминкањето и барањето накит можат да одземат два часа, па и повеќе.

Одење во тоалет

На мажите не им е проблем да ве известат кога ќе одат во тоалет, но тоа не важи за жените. На почетокот од врската секоја девојка чека да остане сама за да оди во тоалет. На мажите, пак, воопшто не им е сфатлив овој проблем.

Постојано тестирање

Можеби изгледа малку злобно, но жените често сакаат да ги тестираат нивните партнери, се разбира, без нивно знаење. Најверојатно и вашата партнерка ве тестира, дури и кога не е до вас.

Спирова С. | Црнобело