5 мапи на светот кои ни покажуваат колку сме, всушност, сите поврзани

Живееме во сложен и поврзан свет. Морскиот, копнениот и воздушниот транспорт ни овозможуваат да патуваме и да разменуваме работи и идеи ширум светот. Благодарение на оваа инфраструктура, денес е релативно лесно да се стигне од едниот крај на светот до другиот. 

Луѓето понекогаш забораваат дека тоа не било секогаш така. Го земаат здраво за готово сегашното ниво на технолошкиот и економскиот развој.

Еден човек, по име Питер Етвуд, решил да нè потсети на овој факт.

Тој направил 5 светски карти што ја илустрираат нашата поврзаност на различни начини.

Карта на градови

Оваа карта ги открива сите населени делови на планетата. Забележете дека Токио најмногу блеска, бидејќи е најнаселениот град на светот.

Од друга страна, некои делови од Јужна Америка, Австралија, Африка и Азија воопшто не се видливи, бидејќи се покриени со пустини, дождовни шуми или големи височини.

Карта на патишта

Постојат повеќе од 60 милиони километри патишта во светот. На оваа карта можете да видите како луѓето создале патишта низ некои од најмалку населените територии на нашата планета, со цел да ги поврзат различните градови и луѓето што живеат во нив.

Карта на железнички пруги

Европа и Северна Америка се најмногу покриени со железничката инфраструктура. Поради оваа причина, можно е да се патува со воз секаде низ Стариот континент.

Во Северна Америка и Австралија возовите генерално превезуваат товар. Во Африка, железничката пруга била изградена од колонизатори со цел да се поврзе внатрешноста на континентот со нејзините пристаништа.

Карта на аеродроми

На некои од најизолираните делови на планетата може да се стигне само со авион. Дождовните шуми во Амазон, северна Канада и некои делови на Австралија не се целосно поврзани со железницата и патиштата, така што луѓето и стоката стигнуваат до нив по воздушен пат.

Карта на пристаништа

Речиси секој голем град во светот бил создаден на бреговите на морето или реките. Низ целата историја, патувањето со брод бил единствениот начин да се достигнат различни делови на светот, па дури и денес, поморскиот сообраќај е клучен во меѓународната трговија.

Ашера | Црнобело