Јапонците измислија сладолед што не се топи

Зарем постои личност што не сака сладолед? Овој десерт е одлично освежување во летните денови, но има еден проблем со којшто сите сме се соочиле – топењето. Но, изгледа дека науката најде решение и за ова.

Јапонски тим научници создале сладолед кој не се топи, дури и после часови изложеност на висока температура.

Ова е сосема обичен сладолед, само со мала модификација. Но, уште поинтересна е и приказната за неговото откривање.

После земјотресот и цунамито во 2011-та во Јапонија (оние што го предизвикаа и топењето на реакторот во нуклеарната Фукушима), еден јапонски готвач морал да открие што да прави со полифенолот, хемикалија што се добива од јагоди.

Причината била што никој не сакал да купува јагоди кои биле деформирани поради земјотресот. Сепак, јапонците не сакале да ги фрлаат јагодите и решиле да најдат начин да го искористат полифенолот. Па, замолиле еден готвач да смисли десерт.

Експериментот на готвачот се одвивал како што треба, но проблемот бил што секој пат кога ја додавал хемикалијата во кремот, тој веднаш се стврднувал.

Течноста со полифенол го отежнува раздвојувањето на водата и маслото. Ова значи дека кога ќе го додадете во сладолед, тој подолго ќе ја задржи својата форма и нема да се растопи.

Користејќи ја оваа технологија, Томихиса Ота, професор по фармација на Универзитетот Каназава, и неговиот тим го направиле сладоледот Kanazawa.

Овие сладоледи ја задржуваат нивната форма, без разлика каква е, кога се изложени на сонце, па дури и на топлина од фен.

Наводно, сладоледот можел да биде и запален без да се растопи и може да издржи температура до 40 степени Целзиусови.

Но, доколку сакате запалив сладолед што не се топи, ќе треба да одите во Јапонија, бидејќи засега нема планови за извезување на продуктот.

Спирова С. | Црнобело