Познати парови кои докажуваат дека љубовта и славата одат заедно

Вистинската љубов е реткост, особено во светот на шоубизнисот. Славните личности брзо ги започнуваат новите врски, а ги завршуваат уште побрзо, што веќе не е можно да се следи кој се забавува со кого.

Како и да е, некои познати личности го поминуваат речиси целиот свој живот заедно, што е во денешно време неверојатно и инспиративно.

Ова се неколку славни парови кои докажуваат дека постои вистинска љубов:

Вил Смит и Џејда Пинкет Смит

Вил Смит ја запознал Џејда Пинкет во 1994 година, кога била на аудиција за улога на негова девојка во серијата „Принцот од Бел Ер“. Таа не ја добила улогата, но му станала девојка во реалниот живот во 1995 година, а сопруга во 1997 година.

Тие се заедно веќе 23 години, и успешно го држат приватниот живот далеку од очите на јавноста, и покрај бројните озборувања.

Барак и Мишел Обама

Барак Обама и Мишел Робинсон се запознале во 1989 година во адвокатската канцеларија во која Мишел му била ментор. Ова не ги спречило да излезат на состанок. Се венчале во 1992 година и имаат две ќерки.

Том Хенкс и Рита Вилсон

62-годишните актери, Том и Рита, се едни од омилените парови во филмската индустрија. Нивната приказна започнала на сетот на ТВ серијата „Bosom Buddies“ во 1981 година. Парот се венчал во 1988 година.

Џон Леџенд и Криси Тиген

Џон и Криси се запознале на сетот на музичкото видео „Стерео“ во 2007 година, а оттогаш се заедно. Се венчале во 2013 година и имаат две деца.

Мерил Стрип и Дон Гамер

Оскаровката Мерил Стрип се омажила за љубовта на својот живот, скулпторот Дон Гамер, пред повеќе од 40 години. Во 1978 година, по само 6 месеци, двојката се венчала во дворот на родителите на Мерил.

Пријателите и семејството биле прилично скептични во врска со нивниот брак, но после повеќе од 40 години, парот е сè уште заедно, а имаат и четири деца.

Хју Џекмен и Дебора Ли Фурнес

Хју Џекмен и неговата сопруга Дебора се заедно скоро 23 години и се еден од најинспиративните парови во Холивуд. Се запознале на сетот на телевизиската серија „Корели“ во 1995 година, а се венчале една година подоцна.

Ашера | Црнобело