Зошто речиси сите градби на грчките острови се обоени со сина и бела боја?

Доколку некој ви рече да ги затворите очите и да си ја замислите Грција, на што прво помислувате? Можеби ќе помислите на морето, гирото и грчките митови, но веројатно ќе помислите и на градбите со сина и бела боја. Но зошто всушност Грците ја користат оваа боја?

Најпрво можеби ќе помислите дека причината е патриотизмот – грчкото знаме е со сина и бела боја. Но, вистинската причина е многу попрактична.

Бидејќи имало малку или воопшто немало дрва, градбите на грчките острови воглавно се направени од темен вулкански камен.

Каменот бил одличен изолатор, но неговата боја ја апсорбирала топлината, така што престојот во градбите во лето бил неподнослив. Па, фарбањето на градбите со бела боја било практичен, но и неопходен начин на разладување.

Се разбира, за ова можат да се искористат црвена, жолта, зелена или некоја друга светла боја, а на почетокот луѓето можеле да ја одберат која сакаат. Сепак, сината станала најчестиот избор бидејќи била евтина и лесно достапна.

Супстанцата позната како loulaki имала сина нијанса и се користела за перење облека. Супстанцата реагира со малтерот од вар па со само неколку таблети од неа се боело целото соединение. Оваа супстанца се наоѓала во сечиј дом, па била достапна за користење.

Дури во 1967-ма година од Грција „исчезнале“ другите бои. Тогашната влада сметала дека белата и сината боја покажуваат обединување и ја поддржуваат нивната политичка агенда, па побарале сите куќи да бидат офарбани со сина и бела боја.

Во 1960-тите, оваа комбинација на бои брзо станала заштитен знак на островите, а во 1974-та година власта донела закон според кој сите куќи мораат да бидат офарбани со овие бои.

Спирова С. | Црнобело