Како да се контролирате кога поминувате низ тежок период?

Треба да знаете дека не е сè толку лошо како што изгледа на почетокот. Секогаш треба да се сетите на убавите, позитивните работи, кои ве опкружуваат. 

Како, на пример, поддршката на пријателите, фамилијата, партнерот, кои ќе ви дадат сила да се борите и да туркате напред.

Губењето мир и спокојство е последното нешто што треба да ви се случи кога минувате низ тежок период. Ако сте опуштени ќе ви биде полесно да ја задржите контролата и да ја пронајдете најдобрата опција и решение.

Ова се неколку совети за тоа како да ја одржите контролата кога поминувате низ тежок период:

Препознајте ги знаците што вашето тело ви ги испраќа

Кога чувствувате напнатост вашето тело ви испраќа знаци на предупредување. Важно е да обрнете внимание кога, на пример, имате грчење на мускули, кога срцето ви работи забрзано, кога тешко дишете или кога се зголемува температурата на вашето тело.

Сите не доживуваме исти знаци, затоа е важно да ги препознаеме веднаш штом ќе се појават.

Дишете длабоко

Ако знаете како да го контролирате дишењето ќе можете да ја задржите контролата во секоја ситуација, особено кога чувствувате дека светот околу вас се распаѓа.

Додека сте под притисок, се зголемува нивото на стресот, а забрзаното дишење е најочигледниот знак. Ова се случува бидејќи вашето тело се подготвува за механизмот: бори се или бегај.

Затворете ги очите и дишете многу бавно. Држете го воздухот во вашите бели дробови пет секунди, а потоа полека испуштете го. Повторете ја оваа едноставна вежба онолку пати колку што е потребно и полека ќе започнете да забележувате промени во вашето тело.

Што можете да направите?

Кога имате проблем, се чини дека сè се врти околу него, но фокусирањето на енергијата на проблемот може да ја влоши ситуацијата. Кога се справувате со тешка ситуација, понекогаш е подобро да го задржите вашиот ум окупиран со други работи.

Фокусирајте се на работите што ве радуваат, како што се слушање музика , читање книга, гледање филмови, излегување со пријателите и сл.

Имајте смисла за хумор

Смејте се на работите што ви се случуваат, дури и ако другите луѓе мислат дека сте луди. Обидете се да ја пронајдете смешната страна на лошите работи. Ова не е лесно да се направи, но не е ниту невозможно.

Дајте си време

Кога вашето тело е напнато, срцето ви чука побрзо. Не можете да размислите јасно за тоа што ви се случува и сакате да дејствувате без да ја анализирате ситуацијата. Подобро е да се одморите и да пронајдете време за себе, за потоа правилно да дејствувате.

Разговарајте со личност која нема никаква врска со вашите проблеми

Ова може да биде терапевт или личност која нема никаква врска со вас или вашиот проблем. Сепак, ова мора да биде некој со кого се чувствувате пријатно.

Нечија гледна точка може да ви помогне да го најдете решението за кое претходно не сте размислувале.

Ашера | Црнобело