Вистински приказни за луѓе кои тврделе дека се нечија реинкарнација

Шанти Деви

Во 1930-тите едно девојче од Индија тврдело дека е жена од Индија по име Лугди Баи. Шанти ретко зборувала како што растела, но кога зборувала, раскажувала за нејзините сопруг и деца.

Изјавила дека нејзиниот прв сопруг се викал Кедарнат и имале син. Таа ги опишувала сопругот, неговата продавница и неговата куќа. Истото така детално го опишувала начинот на којшто се облекувал и работите што ги правеле.

Откако Шанти опишала како умрела, татко ѝ почнал посериозно да ги саќа нејзините приказни. Наводно, Шанти била премногу млада за да ја разбере операцијата за којашто зборувала, па на крај нејзиното семејство организирало средба помеѓу неа и братучедот на Кедарнат.

Шанти ги препознала и братучедот и Кедарнат, а самиот Ганди најмил 15 луѓе да го истражуваат нејзиниот случај. Вестите за Шанти допреа до целиот свет, а еден маж од Шведска, Штуре Лонерстранд, отпатувал до Индија за да ја разоткрие Шанти, за само да заклучи дека таа ја кажува вистината.

Бориска Кипријанович

Помеѓу толку многу реинкарнации, нормално е некој да тврди дека е вонземјанин. Бориска од Русија смета дека е реинкарнација на некој Марсовец.

Наводно, тој живеел на Марс и бил убиен во нуклеарна војна. Пред војната, тој бил дел од марсовски тим што често ја посетувал Земјата.

Тврди дека ги запознал и древните Египќани на едно такво патување. Бориска додал и дека Марсовците делумно ја откриле тајната за бесмртност и имале технологија да го запрат стареењето штом ќе наполнат 35 години.

Според Бориска, нашите летала не можат да детектираат живот на Марс бидејќи целата планета била уништена за време на војната, а преживеаните Марсовци се преселиле под земја. Очигледно, недостатокот од кислород не им бил проблем бидејќи тие дишеле јаглероден диоксид.

Лук Руелман

Лук имал само две години кога почнал да кажува дека е реинкарнација на жена по име Пем. Тој живеел во Охајо со неговата мајка Ерика која често го слушала како зборува за Пем.

Таа речиси и да не обрнувала внимание на она што го зборувал Лук бидејќи сметала дека Пем е измислен пријател.

Кога конечно го прашала за оваа жена, Лук изјавил дека Пем било неговото име во минатиот живот. Покрај тоа додал дека умрел во пожар и отишол во рајот, а Бог го вратил на Земјата како бебе.

Ерика направила онлајн истражување и открила дека во 1993-та година во Чикаго, во пожар умрела жена по име Пем Робинсон.

Иако и за оваа приказна лесно може да се каже дека е лажна, постојат некои интересни факти. На пример, Ерика никогаш не му кажала на Лук за Чикаго.

Дури и ако Лук имал слушнато за Чикаго од некој друг, не е јасно како можел да ја идентификува фотографијата од Пем помеѓу други фотографии.

Спирова C. | Црнобело