5 трикови кои ќе ви помогнат полесно да „прочитате“ лажговци

Според статистичките податоци, околу 90% од информациите што ги примаме се засноваат на гестовите на соговорникот. 

Несвесно ја читаме позицијата на телото и, врз основа на тонот на гласот, го чувствуваме расположението. Врз основа на гестите можеме да донесеме заклучок за тоа дали некој лаже.

Ова се 5 најчести гестикулации кои се својствени за лажговци:

1. Широко отворени очи

Психолозите тврдат дека лажговците не можат долго да одржуваат контакт со очите. Меѓутоа, ако некое лице свесно лаже ќе се обиде да ја погледне личноста во очи, со цел да создаде атмосфера на доверба.

За ова е потребен голем напор на мускулите на очите. Ова е причината зошто лажговците честопати ги отвораат очите широко.

2. Ги исправаат рамената и ја креваат брадата

Ако некој одеднаш се исправи или ги крева рамената додека зборува, тоа значи дека не верува во сопствените зборови. Истото важи и за позицијата на главата: со подигање на брадата, човекот потсвесно се обидува да си даде авторитет.

3. Гризење или лижење на усни

Личноста која треба да лаже сè потешко зборува, бидејќи ѝ се суши устата. Ова е лесно да се објасни: автономниот нервен систем го намалува лачењето на плунката.

4. Ја наведнува главата на страна

Дури и Чарлс Дарвин забележал дека луѓето, како и животните, ги наведнуваат главите настрана кога се интересираат за нешто.

Обидувајќи се да се добие на време, за да го пронајде одговорот на непријатното прашање, човекот рефлексно го имитира интересот кон соговорникот, за да ги прикрие своите вистински намери.

5. Ги покрива чувствителните делови од телото

Градите, стомакот, интимните места...ова се делови од телото што лицето кое лаже се обидува да ги скрие.

Постои физиолошко објаснување за таквиот гест: кога вегетативниот систем е под стрес (а лажењето е секогаш стрес), истиот дава сигнал за контракција на стомачните мускули, што може дури да предизвика болни грчеви.

Ашера | Црнобело