Дали сте слушнале за икигаи, тајната на долг и среќен живот?

До сега веројатно сте слушнале за данскиот концепт на живот, „hygge“, а доколку топлите плетени ќебиња и колачиња не ви ги решиле проблемите, можеби ќе ја пронајдете тајната на среќата во јапонскиот термин „икигаи“?

Се работи за комбинација на јапонските зборови „ики“, што значи живот и „гаи“, што значи вредност. Икигаи, генерално, значи да се најде цел во животот.

Со оглед на тоа што Јапонија е позната по долговечноста на своите граѓани, просечната старост на жените е 87 години, а на мажите 81 година - икигаи, исто така, може да биде тајната на долговечноста.

Како да го пронајдете вашиот икигаи?

Икигаи честопати се поврзува со Вен дијаграм во кој се преклопуваат следниве елементи:

• Што ви се допаѓа?
• Во што сте добри?
• Што му е потребно на светот?
• Што може да ви се плати?

Резултатот што ќе го добиете на пресекот на овие четири прашања е икигаи.

Всушност, работата за која добивате плата не треба да има никаква врска со вашата цел на игигаи во животот. Во истражувањето на 2.000 јапонски мажи и жени само 31 процент изјавиле дека нивната работа е икигаи.

Исто како што можете да креирате список со четири елементи, како овој погоре, и да дознаете што е во срцето на сите нив, така можете да го пронајдете и вашето икигаи.

Луѓето треба да ја пополнат празнината помеѓу круговите што ја опфаќаат мотивацијата, исполнувањето, заработката и она што го прави нивниот живот поубав. Одговорот во центарот е клучот за среќен и долг живот.

Жителите на јапонското село Огими, кои имаат неверојатно долг животен век, се доказ дека икигаи функционира. Тие успеале да пронајдат среќата во едноставните работи и старите вредности.

Тие ја откриваат тајната... бидете во движење, бидете оптимисти и барајте што е можно повеќе позитивни работи. Целосно посветите се на дејноста што ја работите, одвоите време за себе и за вашето семејство и славите го животот, наоѓајќи го доброто во луѓето.

Ашера | Црнобело