Кои се фобиите на 21 век?

Развојот на технологијата радикално го промени животот на луѓето, а со тоа и нивниот ментален склоп. Со текот на времето, ги прошируваме границите на своето знаење, развиваме нови начини на мислење и однесување, но и не демнат нови стравови.

Доколку опстојуваат подолго време, стравовите можат да преминат во својата покомплицирана форма - фобија од лица, предмети и појави која доаѓа како наплив на интензивни чувдтва на страв, колку и да сме свесни дека таа наша реакција е ирационална.

Фобиите генерало се делат во 5 категории:

• страв од животни (најчесто од пајаци и змии)
• страв од природни појави (височина, грмотевици)
• страв од повреди (крв, инекции)
• страв од ситуации (возење во лифт, летање со авион)
• други стравови (давење, гушење, разни звуци)

Еве неколку фобии настанати од модерниот начин на живот кои сигурно не им биле познати на луѓето од претходните векови:

Номофобија - страв да се биде без мобилниот телефон - без разлика дали ви е испразнета батеријата, немате мрежа или сте го заборавиле дома.

Катагелофобија - страв да се биде исмеан, што е честа појава на социјалните мрежи.

Панофобија - страв од се, кој говори за несигурноста на нашето време.

Метатесиофобија - страв од промени.

Агменофобија - страв дека редот во кој чекате е подолг и побавен од останатите.

Макрофобија - страв од долго чекање - можеби брзиот начин на живот ни го скрати трпението?

Карцинофобија - интензивен страв од добивање рак, болеста на модерното време.

Нуклеомитуфобија - страв од нуклеарна војна и употреба на нуклеарно оружје.

Едитиовултафобија - во буквален превод од латински, страв од фејсбук, односно потполна изложеност на сопствениот живот пред лица кои ги познаваме и не ги познаваме.

Политикофобија - страв од политика и политичари, која е тесно поврзана со стравот да се биде излажан.

Ануптафобија - страв да останете сами до крајот наживотот или од склопување брак со погрешна личност.

Ритипофобија - фобија на граница со невроза која означува страв од појава на брчки.

Визиобиблиофобија - страв од социјални мрежи - дали сме преплавени со информации?

A.T. | Црнобело