Како да се маскирате за Ноќта на вештерките без да потрошите многу пари?

Перика на судија

Земете долго и тенко парче материјал и неколку цилиндри од бел картон. Можете да користите и ролни од тоалетна хартија.

Залепете ги цилиндрите на материјалот како на фотографијата, и оставете да се исуши.

Вампирски заби

За да си направите вампирски заби, ќе ви бидат потребни вештачки нокти. Исечете ги ноктите во триаголна форма, така што ќе ги собере во вашата уста, па залепете ги на кучешките заби.

Ангелски крилја

Исечете парче картон во форма на крилја, а потоа обојте го со бела боја.

Со тоалетна хартија направете мали топчиња што ќе наликуваат на пердуви и залепете ги на картонот.

Оставете ги крилјата добро да се исушат.

Спајдермен маска

Земете хартиена чинија и обојте ја со црвена боја. Откако ќе се исуши, направете дупки за очите.

Со црн маркер нацртајте ја пајаковата мрежа и веќе сте подготвени да го спасите градот.

Чевли на лепрекон

Земете пластична чинија и од неа исечете две кружни форми. Важно е секоја форма да има дел кој ќе можете да го залепите на чевелот.

Потоа од пластична чинија исечете и фигура во форма на ромб, што ќе ја залепите на предниот дел.

Залепете ги деловите на чевелот како на сликата, прекријте сè со лепило и хартија за бришење и оставете да се исуши.

Откако ќе се исуши лепилото, обојте ги чевлите по желба.

Спирова С. | Црнобело