Финците споделуваат фотографии од неверојатен, редок природен феномен
Ако некогаш сте помислиле дека сте виделе сè, тогаш овие фотографии ќе ви го променат мислењето.
Деновиве, на интернет почнаа да кружат фотографии од навистина интересен природен феномен – мраз во форма на илјадници топчиња.
Фотографиите се споделени од жителите на Финска, и голем дел од нив велат дека досега не виделе нешто вакво.
Иако феноменот изгледа како да е од некој друг свет, експертите велат дека иако ретко, ова е глетка што може да се појави. Сепак, потребни се совршени услови за да се формира ваков мраз.
https://www.instagram.com/p/B4g_cX2lKRO/?utm_source=ig_embed
Температурата на водата мора да биде многу блиску до точката на замрзнување, а температурата на воздухот треба да биде малку пониска од нула. Треба да биде доволно ветровито за да се формираат топчињата, а плажата мора да биде со песок.
Главно, топчињата мраз се формираат околу нешто. Ова може да биде отпад, мал камен или снежен кристал. Додека водата замрзнува околу предметот, ветрот го „турка“, па се создаваат топчиња мраз. Овие топчиња се зголемуваат, сè додека брановите не ги однесат на брегот.
Феноменот е навистина редок бидејќи доколку ветрот е малку посилен, нема да се формираат топчиња. Од друга страна, ако нема ветар, водата ќе замрзне на брегот.
Изгледа дека природата никогаш нема да престане да нè изненадува.
https://www.instagram.com/p/B4g96zFlUFz/?utm_source=ig_embed
Спирова С. | Црнобело
Би можело да ве интересира:
Препорачуваме
Најчитани неделава
