Навидум безопасни секојдневни навики со кои ја уништуваме планетата

Секоја година се фрлаат над 1,3 милијарди тони храна. Истовремено, секоја година умираат над 100 милиони животни бидејќи консумираат пластика.

Овие бројки покажуваат дека навистина е време да размислиме за нашите постапки и да преземеме нешто.

Можеби не можеме да промениме сè преку ноќ, но дури и најмалите промени можат да направат разлика.

Затоа погледнете кои се навиките со кои продолжуваме да ја уништуваме природата и кои можеби треба да ги промените:

Произведување храна што не се консумира

Секоја година, една третина од произведената храна, односно околу 1,3 милијарди тони храна се фрлаат. За производството на волкава количина храна, секоја година се уништуваат милиони дрва и растенија.

Според податоците, најмногу се фрла зеленчукот, а веднаш по него се наоѓа морската храна.

Одмор на брод за крстарење

Бродовите за крстарење се како пловечки градови, па загадуваат колку цел град. Се покажало дека воздухот во овие бродови е со ист квалитет колку и во најзагадените градови во светот.

Се претпоставува дека над 50.000 Европејци умираат секоја година поради загадувањето од бродовите.

Истражувањата покажале и дека јаглеродниот отпечаток на една личност се зголемува три пати кога е на брод за крстарење, во споредба со секојдневниот живот.

Друго истражување покажало дека од 77 бродови за крстарење, 76 користеле нафта како гориво. Покрај тоа, овие бродови постојано фрлаат отпад, гориво и канализациски смет, директно во океанот.

Купување премногу облека

Модната индустрија е еден од најголемите загадувачи во светот и вториот најголем загадувач на водата.

Памукот е најпопуларниот материјал за облека. Проблемот е што за производството на памук за една блуза се потребни околу 2.700 литри вода. Ова е количество што една личност би го пиела 2,5 години.

Синтетичките материјали, како полиестерот, трошат помалку вода, но нивното производство емитува повеќе стакленички гасови.

Пуштање вода во тоалет

Можеби звучи грозно, но научниците сметаат дека нема потреба да пуштате вода при секое уринирање.

Истражување од 1999-та покажало дека 27% од водата што ја трошите во денот е поради пуштањето вода во тоалетот. За споредба, перењето зафаќа 22%, а туширањето 17% од водата што ја користите во еден ден.

Продолжува на следната страница...