Постои ли поврзаност помеѓу сексот и умот?

Сексот е лек за секоја болка, ќе речат некои, и ако мислите дека претеруваат со оваа изјава или дека само се фалат со своето либидо, грешите.

Научниците постојано потврдуваат дека сексот е корисен за многу работи. Сепак, постои една работа што ретко се спомнува, а тоа е фактот дека сексот може да нè направи попаметни, барем според новото истражување објавено во научното списание „Plos One“.

Поточно, редовниот секс ја подобрува активноста на мозокот. Ова е докажано преку крвните тестови што покажале дека оние кои имаат повеќе секс имаат високо ниво на раст на нервите.

На кратко, покрај намалувањето на стресот, сексот ја зајакнува моќта на вашиот мозок. Истражувачите од Принстон, кои го тестирале менталното здравје на стаорците и нивната врска со сексот, откриле слични резултати.

Што е уште поважно, подеталните истражувања покажаа дека сексот го промовира растот на мозочните клетки во хипокампусот, кој го држи под контрола учењето и меморијата.

Активноста на хипокампусот се намалува со зголемено ниво на стрес и депресија, но повторно сексот е универзален лек.

За сите овие работи да не останат само теории, постојат докази дека постарите луѓе, кои имаат редовен сексуален однос, поретко страдаат од деменција.

Ова значи дека сексот ги штити мозочните клетки од распаѓање, предизвикувајќи зголемен проток на крв во мозокот и зголемување на нивото на кислородот.

Ашера | Црнобело