И тоа е можно - Познати парови кои се заедно уште од средно

Иако познатите личности и стабилните врски и бракови најчесто не одат заедно, во овој свет постојат и долги и среќни бракови.

Меѓу другото, овие познати личности, спортисти и пејачи ги запознале своите девојки уште во средно училиште, а се сакаат и денес.

Ова се познатите парови кои се заедно уште од средно:

Џон Бон Џови и Доротеа Харли

Двојката се запознала во средно училиште, а се венчале во тајност во 1989 година. За време на една посета во Лос Анџелес, за време на турнејата во неговиот бенд, пејачот ја однел својата девојка од средно училиште во Лас Вегас каде се земале. Заедно имаат четири деца - ќерка и три сина.

Боно и Али Стјуарт

Популарниот пејач на U2 ја запознал својата идна сопруга, Али Стјуарт, кога двајцата оделе во исто училиште во Даблин.

Се земале во 1982 година, кога Боно имал 22, а Али 21 година. Нивната приказна трае до денес, а заедно имаат четири деца.

Леброн Џејмс и Савана Бринсон

Американски кошаркар и неговата сопруга оделе во исто средно училиште во Акрон, Охајо. Својата врска ја крунисаа со брак во 2013 година. Имаат три деца.

Џеф Даниелс и Кетлин Треадо

Американскиот актер, познат по улогата во комедијата Dumb and Dumber, ја запознал сопругата во средно училиште во Мичиген. Се венчале во 1979 година, кога актерот имал 24 години. Имаат три деца.

Рон Хауард и Шерил Алеј

Познатиот режисер, кој освои Оскар за филмот „A Beautiful Mind“, меѓу другото, се сретнал со сопругата во средно училиште. Нивната љубов ја крунисале со брак во 1975 година, кога тој имал 21, а таа 22 години. Имаат четири деца.

Снуп Дог и Шанте Тејлор

Овој пар е доказ дека секоја врска има свои добри и лоши фази. Снуп Дог ја запознал својата сопруга во средно училиште. Се венчале во 1997 година, а потоа се разделија во 2004 година. Сепак, во 2008 решија да се обидат уште еднаш и ги обновија своите завети. Имаат три деца.

Ашера | Црнобело