Што треба да направите навечер за да заспиете полесно?

И покрај разните истражувања, сè уште нема дефинитивен одговор на прашањето што е клучно за да може полесно да заспиете навечер, бидејќи се сведува на индивидуални искуства. Сепак, постои едно потенцијално решение што не може да ви наштети.

Сте слушнале со сигурност дека пред да заспиете не треба да гледате во екрани - телевизор, телефон, лаптоп.

Резултатите од едно ново истражување покажаа дека топлата бања еден или два часа пред спиење ни помага полесно да заспиеме. Топлата вода ги релаксира мускулите и нè смирува, но исто така му помага на телото да ја подигне својата основна температура.

Кога ќе излезете од кадата, ненадеен пад на вашата температура ќе ѝ сигнализира на ананалната жлезда да започне со секреција на мелатонин, хормон кој игра клучна улога во дневниот циклус на активности на телото и одморање на организмот.

Туширање пред спиење не е еквивалент на топлата бања - таа ве опушта многу повеќе и за време на која можете дури и да се посветите на пократки вежби за медитација и дишење.

Намалувањето на телесната температура сигурно ќе ни помогне да заспиеме и ова е една од причините зошто се препорачува спиење во малку поладни простории.

Кога температурата на телото се крева истото му сигнализира на телото дека е во состојба на активност, што може да го наруши вашиот циркадијански ритам. Секако вреди да го испробате ова уште вечерва.

Ашера | Црнобело