Не сите треба да изгледаме како од ист калап: 10 девојки со уникатна, необична убавина – I дел

Melvnin

Би Мелвнин е модел од Гамбија и нејзиниот неверојатен изглед привлекува огромно внимание. Нејзината многу темна кожа изгледа апсолутно прекрасно во комбинација со сребрено белата коса (иако станува збор за перика, нејзината природна боја на косата е црна). Таа има над 440.000 следбеници на својот Инстаграм профил.

Nikia Phoenix

Пегите на лицето на Никиа се појавиле на 4-годишна возраст и отпрвин таа мислела дека нема ништо необично во тоа, бидејќи голем дел од нејзиното семејство имале пеги.

Но, кога тргнала во училиште целиот концепт за убавина ѝ се сменил бидејќи била прилично многу малтретирана и исмејувана во врска со нејзиниот изглед. 

Сепак, по кариерата на успешен модел конечно ги прифатила своите пеги како дел од себе, прекрасно и уникатно.

Cassandra Naud

Касандра Науд е актерка, танчарка и позната јавна личност родена и израсната во Форт Мекмареј, Алберта, Канада. 

Таа се родила со пигментиран дел од кожата на лицето веднаш по десното око, но нема намера да се ослободи од него со помош на пластична хирургија бидејќи според неа – нема што да се „поправи“.

Moffy Hardy

23-годишниот британски модел е препознатлива по својот страбизам на очите и борбата против утврдените норми во светот на модната индустрија и убавината.

Мофи верува дека секоја девојка може да ги претвори своите „маани“ во предности и да станат дел од нивниот препознатлив идентитет.

Duckie Thot

Даки е австралиски модел која заврши на третото место во осмиот циклус на Australia’s Next Top Model и го направи своето деби на ревијата на Yeezy S/S. 

Даки Тот е заштитно лице на брендот Фенти Бјути на Ријана. На неа едноставно ѝ дошло преку глава да биде единствената црна жена каде и да се појави, па решила да направи мала револуција во светот на модната индустрија, особено во Австралија.

(О)Милена | Црнобело