Не сите треба да изгледаме како од ист калап: 10 девојки со уникатна, необична убавина – I дел

Водејќи се по денешните „стандарди за убавина“ очигледно сите треба да имаме тенка половина, големи колкови, долги нозе, порцеланско лице, долга коса, полни усни, густи, волуменозни трепки…

Но, овие 10 девојки едноставно не се вклопуваат во утврдениот шаблон за убавина, а секоја е прекрасна на свој начин.

На крајот од денот, убавината е субјективна и е во очите на набљудувачот. И навистина – секој е убав на свој начин.

Погледнете ги следните 10 девојки со нетипична, уникатна убавина:

Tsunaina

Тибетската манекенка Цунаина има уникатен изглед – прекрасно закосени очи, полни усни порцеланска кожа, силно изразена вилица невообичаено структуриран мост на носот и симпатични пеги на лицето „расфрлани“ како некое соѕвездие. Дефиниција за уникатна убавина.

Sophia Hadjipanteli

Загрижени сте бидејќи ви штрчи некое влакненце на веѓите? Ова секако не ѝ претставува грижа на 22-годишниот модел Софија Хаџипантели која едноставно престанала да ги средува веѓите и дозволила слободно да растат додека практично не се спојат.

И покрај многуте негативни коментари коишто ги добива онлајн, сепак многу поголемо е движењето коешто го започнала, #unibrowmovement.

Mehlani Alexia

Малечката Мелани Алексија го има т.н. синдром Аксенфелд-Ригер, ретко генетско нарушување кое влијае врз развојот на очите.

Мелани изгледа како девојче излезено од слика со огромни очиња, бидејќи кај оваа состојба ирисот може да биде многу мал, речиси невидлив или со необична форма.

Таа имала операција на само 5 години со цел да не остане слепа и денес е во одлична здравствена состојба со неодоливо огромни очи.

Molly Bair

Со својата висина од 183 сантиметри, 22-годишниот американски модел не запира да ја освојува индустријата.

Моли Бер има затворено неколку ревии чекорејќи во невестински фустани, задача што вообичаено е резервирана за манекенките со „стандардна“ убавина.

И покрај коментарите дека има предолги нозе и „гоблинска“ убавина, таа не престанува да ги руши стереотипите за тоа што е убаво.

Nastya Zhidkova

Рускиот албино модел е родена во Москва која ја стекна славата под професионалното алијас име Кикер Чан, како што се потпишува и на Инстаграм.

Настја е препознатлива по својата етерична и деликатна убавина и потсетува на подвижно уметничко дело.

Продолжува на следната страна...