Ниту Тесла не бил совршен - Предвидувања што требало да се исполнат до 2020 година

Можете ли да замислите свет во кој ќе им ги раскажуваме нашите тажни искуства на роботите,  додека правиме вообичаено „поплавување“ на станот, за да завршиме со викенд-чистење? 

Футуролозите пред 70 години верувале дека светот ќе напредува и дека во 2020 година ќе имаме роботи, куќи што летаат и други неверојатни изуми.

Еве како требало да изгледа 2020 година:

Никола Тесла успеал да предвиди безжична технологија, паметни телефони и електрични автомобили, но наводно, верувал и дека никој нема да пие кафе во 21 век.

Досега требаше да научиме и промениме многу работи, но како што вели стариот Алберт Ајнштајн - не е само универзумот бесконечен.

Британскиот писател на научна фантастика и футуристист, Артур Кларк, верувал дека здодевните домови од 1960-тите ќе бидат заменети со повозбудливи згради кои ќе можат да летаат.

Долгогодишниот уредник на „NewYork Times“, Валдемар Каемферт сметал дека досега ќе можевме да ја исчистиме целата куќа со одвртување на воден вентил. Причината за ова била неговата визија дека целиот мебел ќе биде направен од синтетика.

Своите размислувања дуги ги објавил во текстот „Чуда што ќе ги видите во следните 50 години“, од 1950 година.

Бидејќи секојдневно се измачуваме со јавниот превоз, зошто да не одиме на работа со хеликоптер? Тоа го мислеле футуристиците пред 70 години. Ова не би биле големи авиони, туку обичен хеликоптер за двајца што не троши многу гориво.

Во 1966 година магазинот „Time“ му објавил на светот дека 21 век ќе биде феноменален. Во есејот наречен Футурист се пишува за идни супер-машини, кои ќе работат наместо луѓето.

Додека машините ќе работат, ние среќно ќе фрламе банкноти во воздухот, затоа што (според пресметките тогаш) ќе заработуваме плата од 30.000 долари.

Кога станува збор за роботите, тие треба да ни бидат многу повеќе, отколку само домашни помошници. Ариане Ван де Вен имала поинаква визија за 2020 година.

Таа верувала дека роботите ќе ја играат улогата на психијатарот и пријателот со кого би разговарале за несреќното детство.

Кое од овие предвидувања ќе се оствари, допрва ќе видиме...или не.

Ашера | Црнобело