Каква мајка е кралицата Елизабета?

Мислевте дека е тешко да се справите со вашата мајка? Тогаш замислете како би било да сте дете на кралицата Елизабета.

За принцовите Чарлс, Ендру и Едвард, и принцезата Ен сигурно не било лесно да ја делат мајка им со целата држава.

За ситуацијата да биде уште покомплицирана, кога кралицата Елизабета ги добила Чарлс и Ен, била во нејзините 20-ти и во ситуација кога морала да ги стави круната и државата пред сè.

Ендру и Едвард имале поголема среќа што се родиле подоцна, кога Елизабета веќе ја научила улогата на кралица и мајка.

Во продолжение погледнете како навистина изгледа да бидете дете на кралица:

Некогаш била отсутна со месеци

Вo текот на долгогодишното владеење, Елизабета често одела на долги патувања. Но, изгледа ништо нема да ја замени турнејата во 1953-та.

Во текот на шест месеци, кралицата посетила 13 држави, додека 3-годишниот Чарлс и уште помладата Ен останале дома.

Кралицата често ги оставала Ен и Чарлс и кога го посетувала Филип во Малта – период што го опишува како најсреќниот во нејзиниот живот.

За Чарлс и Ен најмногу се грижеле дадилките

Иако кралицата била радосна што е мајка, принцот Чарлс има изјавено дека дадилките се оние кои се грижеле за него.

Тие го казнувале, тие го наградувале, па дури и тие сведочеле на неговите први чекори.

Свесна е дека најстариот син нема да си ја исполни судбината додека е жива

Чарлс целиот свој живот чека да седне на тронот. Чекањето трае повеќе од половина век, па Чарлс стана принцот со најдолг „стаж“ во историјата.

Кралицата е свесна дека тој нема да го наследи тронот сè до нејзината смрт, па сигурно не е лесно да се живее со ова сознание. Сепак, Елизабета знае како би изгледало неговото владеење, најмногу бидејќи е испланиран цел протокол.

Има омилено дете

Луѓето сметат дека принцот Ендру помина лесно по скандалот со Џефри Епстајн, само затоа што ѝ е омиленото дете на кралицата.

Веројатно причината е што Едвард е роден кога Елизабета веќе била искусна кралица и можела да му посвети повеќе внимание. Всушност, таа земала 18 месеци „породилно отсуство“ по раѓањето на Ендру и се грижела за него. Ова е луксуз што го немала по раѓањето на Чарлс и Ен.

Не им дозволува да јадат лук

Ако може да му се верува на Дарен Мекгарди, еден од поранешните готвачи на кралицата, целото кралско семејство не смее да јаде лук.

Причината се бројните јавни настани и должности кои се дел од нивното секојдневие.

Дури и Камила го потврди ова:

„Мразам да го кажам ова, но лукот е забранет.“

Често го оставала принцот Чарлс сам во училиштето 

Обидувајќи се да го „зајакне“, Филип го запишал Чарлс во строгото училиште Gordonstoun во Шкотска. Овде, учениците го започнувале денот со туширање со студена вода.

Кога во 1957-ма Чарлс добил грип, кралицата наместо да го посети, му напишала писмо, а потоа тргнала на турнеја во Канада.

Истото се повторило и 4 години подоцна – Чарлс повторно бил болен, но кралицата останала во Индија, наместо да се грижи за него.

Продолжува на следната страница...