14 работи што треба да престанете да ги правите во продавница за време на пандемијата

Сите сме им неизмерно благодарни на медицинските лица кои се вистински херои овој период, но аплауз заслужуваат и продавачите.

Продавниците со храна имаат повеќе работа од кога било, а вработените секојдневно се изложуваат на опасност за да се осигурат дека ние имаме сè што ни треба.

Сепак, поради паниката и стресот, многу луѓе не внимаваат како се однесуваат во продавница и со тамошните вработени.

Затоа, добро би било да знаете кои се работите што не треба да ги правите во продавница овој период:

1. Не одете во продавница со целото семејство. Доколку сте во можност, најдобро е да пазарувате сами. Во полните продавници и онака е тешко да ги почитувате препораките за социјално дистанцирање, па нема потреба да правите метеж со целото семејство.

2. Не влегувајте во личниот простор на вработените. Без разлика дали станува збор за касиер, хигиеничар или работник кој реди роба, држете што е можно подалеку – и за негова, и за ваша безбедност.

3. Не ги игнорирајте маркерите за социјално дистанцирање. Можеби имате забележано дека во некои продавници се обележани места за чекање ред на каса. Овие маркери се поставени со причина, па почитувајте ги.

4. Не одете во продавница ако се чувствувате лошо. Ако имате какви било симптоми, како кашлица, подобро не излегувајте од домот. Најверојатно нема простор за грижа, но подобро не ризикувајте додека не поминат симптомите.

5. Не им давајте совети за заштита на вработените. Сигурно со ова го мислите најдоброто, но не заборавајте дека овие луѓе се подготвени, па може дури поминале и обука за справување со вакви ситуации. Вашите совети само ќе им одземат од драгоценото време, а може дури и да ги исплашат.

6. Не одете во продавница само за да се размрдате. Карантинот е со причина, па ако ви е здодевно најдете си некоја занимација дома. Немојте да го загрозувате вашето и здравјето на сите во маркетот само затоа што не ви се седело дома.

7. Не ги допирајте работите што не планирате да ги купувате. Не знаете кој ги допирал продуктите пред вас, па доколку не планирате да купите нешто, воопшто не го допирајте.

Уште 7 работи на следната страна...