Паузи во зборување, лажни емоции - Знаци кои откриваат дали некој ве лаже

Искреност на емоциите

Навистина е тешко совршено да одглумите некоја емоција. Кога покажуваме некоја емоција, како среќа, се менува изразот на целото наше лице.

На пример, ако некој ви упати насмевка, но притоа ја движи само неговата уста, веројатно насмевката е лажна. Кај искрената насмевка, најчесто ги затвораме и очите, ги спуштаме веѓите… односно, ги користиме сите мускули на лицето.

Ова важи за сите емоции.

Повторување

На некои луѓе едноставно им е тешко да ги вокализираат нивните мисли. Но, ако некој премногу повторува одредени зборови, голема е веројатноста да ве лаже.

Најчесто, лажговците повторуваат одреден збор со цел да ве убедат дека ја кажуваат вистината.

Одговарање со ваши зборови

За забележување на лагата, мора да обрнете внимание и на зборовите што ги избира соговорникот.

Ако некому поставите прашање, а тој ви одговори со истите зборови од вашето прашање, голема е веројатноста да лаже.

Истовремено, ако соговорникот го повтори прашањето пред да ви даде одговор, повторно постои можност да ве лаже. На овој начин, личноста си дава време да го смисли одговорот, односно лагата.

Покривање на лицето или устата

Еден од најочигледните знаци дека некој ве лаже е покривањето на устата или лицето.

Ова е чест психолошки одговор кај луѓето кои кажуваат лаги, па обрнете внимание.

Спирова С. | Црнобело