Исповеди на луѓе: Советот кој би ми помогнал во младоста

„Маж што го минува со тебе слободното време и маж кој ослободува време за да биде со тебе се две различни работи.“

Убаво е од време навреме да погледнеме кон себе и да провериме каде сме погрешиле и како можеме да се подобриме.

Како да пораснеме како индивидуи, учејќи од грешките од минатото?

Луѓе погледнаа наназад и си дадоа совети на помладата верзија од себе:

„Талентирана си. Ќе паднеш неколкупати, еднаш и страшно, но затоа закрепнувањето ќе биде спектакуларно.“

„Патувај, патувај колку што можеш повеќе. Одење со ранец низ Европа со 4-годишни близнаци не е баш изводливо.“(кога ќе биде возможно да се оствари овој совет)

„Те молам да научиш да готвиш. Слатко е да не знаеш да готвиш на 22, но на 32 со маж и дете веќе е животен проблем.“

„Маж што го минува со тебе слободното време и маж кој ослободува време за да биде со тебе се две различни работи. Научи се да ја гледаш разликата.“

„Станува подобро. Ќе стане многу, многу полошо, но потоа ќе тргне на подобро. Само издржи.“

„Не се врти сѐ околу тебе. Секој има свои проблеми и свои битки. Имај емпатија кон другите, како што очекуваш тие да имаат кон тебе.“

„Раскини со него. Освести се дека двајцата го будите најлошото еден во друг. Дали знаеш колку забава можеш да имаш во тие години наместо константно да се караш со него?“

„Биди самоуверена. Иако некогаш тоа е тешко. Никој нема да верува во тебе, сѐ додека ти не почнеш да веруваш во себе.“

„Секогаш кога можеш излегувај од градот, оди во природа. Не дозволувај да ти се појават брчки од стресниот начин на живот.“

„Освести се колку си среќна, доста се преокупираш со тоа дека треба да исполниш некакви цели.“

„Прашувај ги родителите за совети почесто.“

„Проголтај ја гордоста и прости му на татко ти. Престани да го игнорираш, тоа ќе ти биде залудно потрошено време.“

„Престани да веруваш дека твојот живот магично ќе добие смисла на 30 години. Откако ќе го прифатиш тоа, повеќе ќе уживаш.“

„Замини си од врската после првата лага“.

С. С. | Црнобело