Загатката на Ајнштајн

Ајнштајн ја напишал оваа загатка во XIX век. Рекол дека 98% од луѓето во светот нема да можат да ја решат. Не е тешка, но морате да бидете многу...

 

...внимателни и стрпливи. Ќе успеете ли вие да бидете во другите 2%?

Има 5 куќи со 5 различни бои. Во секоја од куќите живее човек од различна националност. Секој од петте сопственици пие одреден вид на пијалок, пуши одреден вид на цигари и чува одреден милениче. Ниеден сопственик нема исто милениче, не пуши исти цигари и не го пие истиот пијалок со некој од другите сопственици.

Прашањето е: Чија е рибата?

Хинтови:

• Британецот живее во црвената куќа.
• Швеѓанецот чува кучиња како миленици.
• Данецот пие чај.
• Зелената куќа е од лево на белата куќа.
• Сопственикот на зелената куќа пие кафе.
• Личноста што пуши Пал Мал одгледува птици.
• Сопственикот на жолтата куќа пуши Данхил цигари.
• Човекот што живее во куќата во средина пие млеко.
• Норвежанецот живее во првата куќа.
• Човекот што пуши Бленд живее до оној што чува мачки.
• Човекот што чува коњ живее веднаш до човекот што пуши Данхил.
• Сопственикот што пуши Блумастер пие пиво.
• Германецот пуши Принц.
• Норвежанецот живее до сината куќа.
• Човекот што пуши Бленд има сосед кој пие вода. 

Напомена: Сите коментари со постапката за добивање на точниот одговор ќе бидат избришани за да им дозволиме на сите да се обидат да ја решат сами.