Зошто сакаме да спиеме со прекривка дури и кога времето е топло?

Во зима, речиси ништо не се споредува со чувството кога ќе си легнеме и ќе се покриеме со топло ќебе, особено ако температурите се навистина ниски.

Но, сте се запрашале ли зошто повеќето луѓе не можат да заспијат без каква било прекривка, дури и кога времето е навистина топло?

Во голема мера, најверојатно станува збор за навика, но постојат и други причини за ова:

Прекривката ја регулира температурата на телото

Ние сме топлокрвни суштества и нашето тело ја регулира својата температура, поради што не ни студи. Сепак, дури и летно време, додека спиеме нашата телесна температура се намалува, а додека е во РЕМ фазата, телото не може само да ја регулира температурата. Поради ова може да ни пристуди и во летните ноќи.

Прекривката или ќебето се одлично решение во овие моменти – ни помагаат да се стоплиме кога не можеме сами.

Прекривките се дел од нашата рутина

Како што веќе рековме, спиењето со прекривка или ќебе е и навика. Бидејќи веројатно уште кога сте биле мали вашите родители ве покривале, оваа навика останува и подоцна во животот.

На некој начин, кога ќе се покриеме телото „сфаќа“ дека е време за спиење.

Прекривките го намалуваат стресот

Серотонинот е еден од хормоните што ни го подобруваат расположението и што нè смируваат. Кога пред спиење ќе се покриеме, се зголемува нивото на серотонин, со тоа намалувајќи ги стресот и анксиозноста.

Ова, пак, ни помага полесно да заспиеме.

Се чувствуваме заштитено

Едноставно кажано, спиењето со прекривка е како спиење во прегратка. Прегратките прават да се чувствуваме удобно и заштитено, па прекривката за време на спиење има сличен ефект.

Спирова С. | Црнобело