Позитива на денот: Кога најмалото братче ќе „упадне“ на TikTok видео по пелена

Бидејќи периодов најголемиот дел од денот го поминуваме дома, TikTok видеата со танцување на многумина им се една од најчестите занимации.

Безброј славни, но и „обични“ луѓе ги прифаќаат разните TikTok предизвици и ги покажуваат нивните танцувачки способности. Но, помеѓу илјадниците вакви видеа, споделени од милиони корисници, едно мало момче успеа да ги засени сите.

Видеото почнува со две деца кои го прават таканаречениот #RenegadeChallenge предизвик на TikTok, кога по неколку секунди „упаѓа“ нивното мало братче, во пелени и тексас јакна.

Детенцето игра како вистински професионалец, но она што најмногу го насмеа светот се неговите преслатки изрази на лицето. Уште поинтересно е што детето е дотерано со црна маичка, тексас јакна и патики, но нема панталони, туку носи само пелена.

Видеото кое беше споделено минатата недела веќе има милиони прегледи, па дури и познатите почнале да коментираат за неверојатната изведба на детето.

Октавија Спенсер, Наоми Вотс и Виола Дејвис се само дел од познатите кои го споделиле или прокоментирале за слаткото видео.

Ако врнежливото време ви го расипа расположението, тогаш ова слатко дете сигурно ќе го промени тоа:

@forbes_gang

##repost @officially.cadee ##babykyng1 ##diaperbaby ##renegadekids ##renegadebabychallenge ##youtube renegade baby

♬ original sound - forbes_gang

 Спирова С. | Црнобело