„Подобар од некои професори“ – 16-годишно момче го користи TikTok за да подучува математика и природни науки

Поголем дел од луѓето го користат TikTok за забавни видеа, но ова момче решило да го искористи на попаметен начин и да подучува математика.

16-годишно момче од Њујорк успеа да го направи TikTok социјална мрежа за едукација.

Младиот Алексис Ловераз на неговиот TikTok профил објавува видеа во кои објаснува разни теми од областа на науката, користејќи едноставни термини.

Алексис започнал со проектот кон средината на февруари, а благодарение на видеата веќе си го заработил прекарот „туторот од TikTok“.

Истовремено, неговите видеа од областа на математиката, геометријата, хемијата и физиката ги следат веќе над 600.000 луѓе. Одвреме-навреме, тој споделува и видеа на кои подучува корејски јазик.

Уште подобро е што Алексис им дозволува на гледачите да гласаат која тема да ја обработува, па на некој начин, неговата „настава“ е и интерактивна.

16-годишното момче и самото се изненадило кога сфатило колкава е заинтересираноста за неговите видеа, но вели дека му е драго бидејќи сепак, периодов децата не одат на училиште како вообичаено и ова се теми што лесно се забораваат.

Неговите следбеници, пак, имаат само позитивни коментари. Некои одат дотаму што тврдат дека младиот Алексис објаснувал многу подобро и од нивните професори.

Успехот со TikTok видеата го инспирирал Алексис да направи и YouTube канал, но и да држи предавања на други платформи за таа намена.

А, без разлика дали сте ученик или не, видеата на Алексис сигурно ќе ви бидат забавни.

@alexis_loveraz

INVERSE FUNCTIONS, Go check out my YT video if you want to test yourself on this CONCEPT ##onlineschool ##democracyprep ##onlineschool ##corona ##edutok

♬ original sound - alexis_loveraz

@alexis_loveraz

Unit circles ?... ##geometry ##trigonometry ##algebra ##algebra2 ##democracyprep ##sat ##ap ##fyp ##edutok

♬ Sound by mcmrmusic - art.by.livvv

@alexis_loveraz

Going over a Chemistry Topic, Ground state vs Excited state!!! ##chemistry ##democracyprep ##edutok ##chem ##onlineschool ##science

♬ original sound - alexis_loveraz

Спирова С. | Црнобело