Зошто жените трачарат?

Колку добро се чувствувате после партија трач со другарките во некое од шемаџиските кафулиња? Постојат многу причини зошто жените сакаат да оговараат.

 

1. Го анализираат своето искуство. Од женска перспектива, својот разговор со пријателките не го карактеризираме како трачарење. Веројатно тоа е анализа на некоја ситуација во која и вие сте биле претходно во животот. Неопходно е нели да се погледне туѓиот проблем и од друга перспектива?

2. Завист. Иако ова е тажна причина, сепак често е и единствената. Ова не е за осудување затоа што сите барем еднаш сме се нашле во ваква ситуација. Зависта може да биде последица на несигурност и недостиг на самодоверба.

3. Намалување на стресот. Верувале или не трачарењето може да ве опушти. Релаксацијата настапува кога ќе чуеме дека некој поминува низ потежок период во животот од нас. Не е реткост чувството дека не проживувате исто што и другите да произведе среќа.

4. Потврдување. Некогаш оговарањето може да биде потврда за чувствата. Потврда дали сте погрешиле што сте осудиле некого.

5. Склопување пријателства. Сцената од многу серии, како на пример Очајни домаќинки, каде трачот е базата на пријателството, може да се пренесе и во реалниот живот.

6. Стекната особина. На крајот, трачот може да биде стекната карактеристика која се учи. Најчесто тоа е резултат на нашето воспитување – мајка со ваква навика, често добива иста ќерка.

Дали се согласувате со некои од предложените одговори?