Бонтон на гости: 7 работи кои никогаш не треба да ги допирате во туѓ дом

Кога ќе отидете на гости, воздржете се од чепкањето на шкафчињата, вадењето на храна од фрижидерот своеволно, како и да палите цигара без дозвола од домаќинот.

Можеби периодов избегнуваме одење по гости, но овие правила треба да ги знаете секогаш и да ви останат врежани во главата за кога ќе се вратиме во нормала.

Од непишани правила за на гости, издвојуваме – 7 работи кои никогаш не треба да ги допирате:

1. Фрижидерот

Тоа што сте слободни и се чувствувте пријатно во нечиј дом не е дозвола да копате по неговиот фрижидер.

2. Парното, греалката или клима уредот

Односно, далечинското за нивно регулирање. Може да го замолите домаќинот да ја зголеми или намали температурата, но никогаш не ги преземајте работите во свои раце.

3. Лаптоп, компјутер

Користете го само во итни случаи, со претходна дозвола од сопственикот.

4. Кревет

Ако станот е малечок, па во склопот на собата во која седите е и креветот за спиење, никогаш не седнувајте на него. Исто така, не истражувајте сами низ собите на домот.

5. Козметика

Избегнувајте да чепкате и да пробувате разни креми и препарати кои ќе ги видите во тоалетот – верувајте дека домаќините ќе забележат.

6. Фиоки и шкафчиња

Ова се смета како сериозно нарушување на приватноста.

7. Сметки, пошта или ливчиња оставени наоколу

Не знаете кој и што запишал на ливчето, но и не знаете дали домаќинот сака да знаете колку плаќа за струја или вода. Држете ги рацете на страна.

М. Д. | Црнобело