Декорации со инсекти, долна облека со дупка – најчудните модни трендови од викторијанската ера

Слободно можеме да кажеме дека викторијанската ера била навистина чуден период. Покрај многуте војни, епидемии и строгите социјални норми, луѓето од овој период имале и навистина бизарни вкусови.

Од екстремно стегнати корсети, па сè до отровни фустани, погледнете кои се најчудните модни трендови од викторијанската ера:

Користеле боја за облека со арсен

Зелената боја што ја користеле луѓето во овој период била позната како „париска зелена“ и содржела арсен. Овој пигмент го користеле за фарбање облека, но и за варосување.

Луѓето биле свесни дека оние кои работат со арсен умирале, но им било потребно долго за да сфатат дека и бојата што ја користат е исто штетна.

Ги декорирале фустаните со инсекти

Во викторијанската ера се појавил и тренд за украсување на облеката со крилја од бубачки „тврдокрилци“.

Можеби звучи и малку одвратно, но веројатно боите и сјајот на крилјата ги натерале „викторијанците“ да го засакаат овој тренд.

Модни додатоци направени од коса

Овие додатоци најчесто ги носеле луѓето кои жалеле за смртта на некој близок. Но, со текот на времето се прославиле кај сите.

Пронајдени се многу нараквици, медалјони, па дури и чанти украсени со човечка коса, со кои луѓето ја покажувале љубовта кон некој близок, како сопруг или син кој заминал во војна.

Продолжува на следната страница...