Како изгледа животот на 30 годишните сијамски близначки - феномен несфатлив и за научниците

Пред 30 години се родија овие сијамски близначки за кои своевремено зборуваше целиот свет. Ебигејл и Британи Хенсел живеат најдобро што можат и покрај физичкото ограничување. 

Лекарите немаа светла прогноза за нив. Но, тие сепак успешно се справуваат со сите животни препреки.

Родени се на 7 март 1990 година во Минесота. Сè до нивното раѓање, лекарите биле уверени дека ќе излезе едно бебе. Ултразвукот не прикажал никаков проблем.

Според статистиките, од 30 милиони сијамски близнаци, само едни остануваат живи.

Внатрешните органи кај овие деца најчесто откажуваат 24 часа по раѓањето. Но, и покрај лошите прогнози, овие две девојки остануваат живи.

Опцијата разделување не доаѓала никако во предвид бидејќи со тоа една секако би морала да го изгуби животот.

Девојките имаат две глави, две раце и нозе, две кичми, три белодробни крила, еден црн дроб, два стомаци и три бубрези, една вагина и две срца. Го делат кардиоваскуларниот систем и гениталиите.

Анатомијата на овие девојки е толку сложена што на лекарите не им е јасно како и понатаму живеат и функционираат.

Секоја близначка ја контролира својата половина од телото – Ебигејл не чувствува кога Британи се ракува со некого. Уште во детството тие научиле како да ги синхронизираат своите движења. Така успешно научиле да свират на клавир, да пливаат, возат велосипед...

Научниците веруваат дека овие девојки имаат неврони кои ги нема ниту едно друго човечко тело. Тие си ги читаат мислите и си ги довршуваат речениците. Телата и умовите им се совршено синхронизирани – кога на едната и се пие вода, и другата е жедна.

Тие дури успеале и да положат возачки испит – едната ги контролира педалите и менувачот, а другата внимава на семафорите и знаците.

Завршиле факултет, а работеле и како бебиситерки. Денес се учителки – Ебигејл предава математика и физика, а Британи книжевност и историја. Но, добиваат само една плата.

Од 2012 година па наваму, се повлекуваат од медиумите после гласините дека Британи се верила.

Е. П. | Црнобело