Што ги поврзува кралицата Елизабета и принцезата Дијана со Македонија?

Нашето Охридско езеро е најстаро во Европа. Познато е низ целиот свет по своите бисери.

Охридските бисери се уникатни и препознатливи. Се изработуваат од школки, со додавање на најмалку 8 слоеви тајна емулзија која им го дава специфичниот сјај.

Дел од состојките на емулзијата се крлушките од плашицата, која е ендемски вид во Охридското езеро, но останатите состојки и процеси остануваат тајна. Секој слој треба добро да се исуши пред да биде нанесен следниот, а ова може да трае од 45 минути до 1 час.

Охридските бисери се омилени на кралските дами - ги носи и кралицата Елизабета, ги носела данската кралица Маргарет, а не им одолеала ниту принцезата Дијана и шведската кралица Силвија.

Шведскиот крал Густаф и кралицата Силвија во 1977 година

„Рецептот“ за изработка на бисерите се пренесува само на машките наследници, а оригиналните бисери ги прават само две фамилии.

Една легенда вели дека охридските бисери датираат од 1924-та година кога руски емигрант ја споделил тајната техника за изработка на бисерите со двете семејства – Талеви и Филеви. Охрид го потсетил на езерото во неговата татковина.

Данската кралица Маргарет II и холандската кралица Јулијана

Бисерите се произведуваат рачно, исклучиво од природни материјали.

Школките и рибината емулзија ги штитат бисерите од солите од потта.

Охридските бисери се вечни. Сите останати траат околу 150 години.

Е. П. | Црнобело