Психолошки трикови за полесен живот - како да ги „придобиете“ луѓето?

Секој од нас е единствен, но психолозите не престануваат да пронаоѓаат обрасци на однесување кои ни се заеднички на сите.

Ова се неколку психолошки трикови со чија помош подобро ќе се сложувате со другите, односно ќе ви го олеснат животот:

1. За да откриете дали на некој му се допаѓате, одберете еден збор и секојпат кога вашиот соговорник ќе го искористи, кимнете со главата и насмевнете се. Ако му се допаѓате, наскоро ќе забележите дека соговорникот ќе го користи зборчето почесто.

2. Ако сакате некој да ве сфати посериозно, кажете им ја фразата „мојот татко велеше...“ - луѓето несвесно се склони да веруваат во татковските совети.

3. Ако сакате соговорникот да се сложи со вас, не заборавајте да кимнете со главата кога му поставувате прашање. Ова движење укажува дека она што го зборувате е вистина.

4. Ако сакате децата да не ве одбијат за храна, пример за брокула, наместо да ги прашате дали сакаат, прашајте ги „колку парчиња сакате – две или пет?“. На овој начин им давате до знаење дека вие сте одлучиле за нив, но сепак им правите привид дека тие одлучуваат.

5. Ако мислите дека некој ве следи – едноставно зевнете и погледнете околу себе. Бидејќи зевањето е заразно, ќе знаете кој ве набљудува.

6. Кога се ракувате со луѓето, погрижете се рацете да ви бидат топли. Топлите дланки се поврзуваат со љубезност.

7. Луѓето нема да одбијат да ви помогнат, доколку пример им подадете тешка кутија додека им зборувате. На тој начин несвесно ќе ја префрлат каде што сакате, без да забележат дека ви помогнале.

М. Д. | Црнобело