Пијани СМС пораки

После неколку пијачки и забава – време е да се фатите за телефонот и да почнете да праќате пораки на бившиот/бившата или оној/онаа која ви се допаѓа.

Да, да – секогаш истата приказна. Но, некогаш „Утрото со чувство на вина и чудење, е далеку подобро од осамена ноќ“.

Сепак, за да избегнете последици кои не би ви биле во прилог, а сте ги направиле под дејство на алкохол, имајте на ум да престанете во вистинскиот момент.

1. Поставете си граница! Сигурно знаете после колку чашки почнува вашата храброст за славните СМС пораки и повици. Телефонот во чанта и заборавете дека постои.

2. Доверете го мобилниот на пријателите. Нека ви го чува оној/онаа која секогаш е против такви допишувања.

3. Избриши ги сите броеви на кои не треба да се јавиш (и не се обидувај да ги научиш на памет).

4. Пред праќање на било какви пораки после полноќ два пати размисли која ти е целта. Некои работи сепак е подобро да се кажат очи во очи.

5. Ако баш прстот ти е расположен за типкање по тастатурата, прати ја пораката на пријател(ка).

6. Нема никаква потреба од провокација за која ќе се покаеш после неколку часа.

7. Уживај во моментот! Додека си излезен/а со пријателите немој да мислиш на никој друг.

Ви се случило ли вам да испратите „пијана“ СМС порака? Сте се каеле ли потоа?