Многу љубов, топлина и искрени насмевки - какво е чувството кога човек ќе ви ја подари „душата“? (видео)

Во изминатата година кога животот ни се промени комплетно на сите – сè потсетивме и сфативме дека малите работи се оние кои навистина нè прават среќни.

Нашето семејство, моментите поминати дома, најблиските соработници, луѓето кои се дел од нашето секојдневие и ни го прават животот исполнет.

Празниците се денови кои сакаме да ги поминеме во уживање, одмор и релаксација, да донесеме насмевка на лицата на блиските, да подариме и споделиме љубов.

Годинава ја започнавме со убави нешта - нашите долгогодишни соработници „Божиновски часовници и накит“ ни ги стоплија срцата и душата – нам и на сите нивни вработени и пријатели.

Игор Божиновски, првиот човек на компанијата, човек кој е вистинска инспирација - нѝ подари „дел од својата душа“ во подарок кој сплотува, подарок кој на прв поглед е само една обична кутија, но како што и тој самиот ни рече „Дел од мене и нешто што навистина многу ми значи.“ И кога некој ќе ви го каже ова додека лично ви го дава подарокот на ден Бадник – ова е и повеќе од доволно за да се почувствувате пријатно и ценето.

Едвај дочекавме да го отвориме подарокот со домашно направени колачиња од првиот човек на „Божиновски часовници и накит“ и чај  - и пораката која вреди да ја споделиме со сите:

Постојат нешта кои навидум тежат многу малку, а во суштина ни ја откриваат смислата на животот. И додека науката докажува дека човечката душа тежи само 21 грам, колку што тежи и чајот во ова тегличка, останува само едно отворено прашање... Колку грама сила и храброст ни е потребно за премостување на само еден животен крстопат...

Во оваа година на неизвесност јас, како и сите ние, се најдов на еден таков крстопат. Мојата фамилија, моето второ семејство - вработените во “Божиновски” и твојата лојалност и доверба ми ги дадоа тие неколку грама сила и храброст. И затоа... симболично ја подарив мојата душа во шишенце со 21 гр. чај, а на тоа додадов 210 гр. домашни колачи.

Заедно да создадеме магија со која ќе зачекориме во Новата 2021ва.

Уживајте во видеото од подготвувањето на овие подароци од семејството Божиновски:

Вистинско задоволство, насмевки и позитивна енергија се прошири на социјалните мрежи кај сите оние кои искрено уживаа во овој подарок направен со многу љубов.

 Да, уште еднаш се потсетивме дека потребно е само малку, за да направите некого среќен...