„На 7-годишната ќерка ѝ плаќам за извршувањето на домашните обврски, а потоа таа ми 'плаќа сметки' за домот“

„Ќерка ми мора да работи дома за да заработи пари од мене со кои симболично потоа ќе ми плати за струја, вода, интернет, храна... Само така ќе ја научи вредноста на парите од мала.“

На колку години треба да почнат да се учат децата за вредноста на парите?

Фелисиа Ефарли е мајка која на ТикТок откри дека нејзината ќерка има само 7 години, а таа веќе на свој уникатен начин ја учи за вредноста на парите.

Нејзината ќерка мора да извршува домашни обврски за да заработи пари и потоа да дава за сметки дома.

Се разбира, станува збор за симболични работи за кои таа на неделно ниво добива 7 долари, од кои 5 треба да даде за струја, вода, интернет и други трошоци дома, а останатите 2 долара нејзината мајка ѝ ги става на сметка и ќе ѝ ги даде како заштеда кога ќе потпорасне.

Видеото има милиони прегледи и многумина ја поддржуваат Фелисиа дека одбрала вистински начин на кој ќе ја научи ќерка си за вредноста на парите.

Тие велат дека смислила генијален начин за нејзината ќерка уште од рани години да научи како е да се заработува и штеди.

Што мислите вие?

@feliciaraefarley

they just don’t teach this stuff anymore #mothersofchaos #momlife #momthings #parentinghack

♬ Aesthetic Girl - Yusei

С. С. | Црнобело