Како да живеете како Французинка, каде било во светот?

Што значи да живееш како Французинка?

Ако и вие сте опседнати со леснотијата од животот кој го водат, ова се 20 трикови како може и вие да живеете „на француски начин,“ независно од локацијата на која се наоѓате.

1. Пијте кафе на тераса и набљудувајте ги луѓето.

2. Останете тивки, дискретни и таинствени.

3. Одете на културни активности – кино, опера или музеј (во случајов дел од овие работи можеби се невозможни, но приспособете се привремено).

4. Водете содржајни разговори. Не озборувајте.

5. Шетајте по градските улици без крајна дестинација.

6. Вежбајте на француски начин – интензивниот тренинг заменете го со многу движење и возење велосипед.

7. Купувајте од локални продавнички и пазарчиња.

8. Гответе свежа храна, супи и избегнувајте тешки рецепти со маснотии.

9. Ручајте бавно. Ручекот нека биде ритуал кој трае барем 30 минути.

10. Еднаш неделно, почестете се со путер-кроасан за појадок.

11. Исчистете ја гардеробата. Оставете го само неопходното и комбинирајте вешто.

12. Научете од што се состои капсулната гардероба: пар панталони, неколку кошули и џемперчиња, мантил, квалитетни чевли на средно висока пета, црни очила, минималистичка чанта...

13. Дотерувајте се секој ден.

14. Носете пријатна, но убава долна облека.

15. Ставајте го истиот парфем секој ден.

16. Грижете се кожата да ви биде чиста, наместо да ставате тон пудра.

17. Од шминка, користете го само неопходното – коректор за подочниците, маскара за трепките, малку руменило и кармин.

18. Пуштете ја косата слободно да паѓа и оставете ѝ ја природната текстура.

19. Почитувајте и сакајте си ги годините.

20. Бидете љубезни и уживајте во секој комплимент.

М. Д. | Црнобело