Зошто е добро да јадете седнати на под како Јапонците?

Кај нас, како и во повеќето држави ширум светот, е вообичаено да седиме на стол додека јадеме. Неретко ни се случува и да јадеме во дневна, пред телевизор, но скоро никогаш не седнуваме на земја.

Јапонците, од друга страна, преферираат да јадат на ниски маси и да седат на перници на земјата. А, се чини дека ова може да биде доста корисно за организмот, особено дигестивниот систем.

Погледнете зошто треба да пробате да јадете седнати на земја, како Јапонците:

Подобра дигестија

Се верува дека седењето на земја со прекрстени нозе го зголемува дотокот на крв до желудникот и помага во дигестијата. Покрај тоа, бидејќи ќе треба да се наведнувате нанапред за секој залак, ќе ги стимулирате стомачните мускули и ќе ја избегнете подуеноста после оброкот.

Слабеење

Во нашето тело постои нерв познат како нерв луталник кој е одговорен за регулирање на функциите во органите, како дигестијата. Овој нерв може да го контролира и апетитот, односно да му даде сигнал на мозокот дека сте сити. Кога јадете седнати на земја, овој нерв функционира подобро, па помала е веројатноста да се прејадете.

Зголемена флексибилност и подобро држење на телото

Долгото седење на стол може да предизвика проблеми како болки во грбот, но и во целото тело. Истовремено, може да направи да се чувствувате „здрвено“ и непријатно. Од друга страна, ако седите на подот, вашиот грб ќе биде исправен, а ќе ги избегнете и проблемите со колковите и нозете кои се јавуваат поради долго седење на стол.

Ќе го активирате целото тело

На подот ќе имате повеќе место за движење за разлика од седењето на стол. Истовремено, за да станете од подот ќе треба да ги активирате мускулите на нозете и, иако е мала, ова сепак е некаква физичка активност.

Кога, пак, го држите грбот исправен, ги активирате и стомачните мускули.

Ќе се чувствувате посмирено

Седењето со прекрстени нозе е всушност и јога поза за релаксирање. Бидејќи на овој начин нема да чувствувате болки во телото, многу полесно ќе се релаксирате пред оброкот и сигурно ќе се чувствувате посмирено.

Спирова С. | Црнобело