„Си направив дом на тркала – ова се најголемите проблеми со коишто се соочив, а за кои никој не зборува“

Воопшто не е лесно да управувате со алати

Изгледа никој не спомнува колку часови треба да поминете во учење за користење на потребните алати. Во ова имав многу помош од тато, кој ме научи за електрични инсталации, греење и ладење и слично.

Многу сум благодарна што тој има тоа знаење и што ми покажа како да го користам секој потребен алат.

Ја потценив природата

Живеам во Њу Џерси и ја купив приколката во јануари. Тогаш имав нереалистична замисла дека ќе завршам со реновирањето за месец-два.

Набрзо моите планови паднаа во вода. Почна студена зима, а јас не ни очекував дека следните неколку месеци ќе има снежни бури кои ќе натрупаат снег на приколката. Се чувствував толку поразена што морав да почекам да помине зимата.

Никој не зборува за мизеријата

Најмногу од сè посакувам луѓето кои ме инспирираа да споделуваат повеќе за непријатните чувства кои доаѓаат со ваквите проекти, за барем да знам што ме чека.

Не видов ниту еден од нив како плаче додека се качува на покривот на приколката среде ноќ за да го исчисти снегот, бидејќи не е сигурен дали покривот може да ја издржи неговата тежина.

Но и покрај сè, има некои позитивни работи

Јасно ми е дека целиот процес не звучи воопшто забавно. Всушност, звучи многу мизерно, но научив дека секогаш има начин да ги претворам овие моменти во нешто повеќе. Генерално, најлошите моменти се оние што ме натераа да го засакам ова искуство.

Среќна сум што добив помош од 13-годишниот братучед за дизајнот на ентериерот. Многу ми значи што мајка ми мѝ помагаше да ја чистам приколката кога надвор беше многу ладно. Ги сакам сеќавањата што ги создадов. Исто така, се зближив со многу пријатели кои ми понудија помош и ме охрабрува. Имаше и странци кои едвај чекаа да го видат крајниот резултат.

Некогаш најважна е перспективата, а позитивниот став, дури и на најлошите денови, ја прави најголемата разлика.

Спирова С. | Црнобело