Фото споредба: Колку се разликуваат идентични близнаци кои се хранат различно?

Близнаците Хуго и Рос Тарнер одлучиле да направат истражување врз сопственото тело, односно како тоа ќе се промени кога ќе ја променат исхраната.

Дванаесет недели Хуго (лево) јадел само веганска храна и се придржувал до веганска диета, додека неговиот брат Рос (десно) јадел храна со голема количина на месо, како би направиле драстична споредба и разлика.

За време на експериментот имале помош од истражувачи и стручни лица кои ја следеле нивната тежина, холестеролот, телесните масти и слично.

Бидејќи Хуго и Рос се идентични близнаци, единствено исхраната им влијаела на сите физички промени низ кои поминале.

Двајцата внесувале ист број на калории, но храната им се разликувала по состав.

По 12 недели веганска диета, холестеролот на Хуго се намалил и имал повеќе енергија во текот на денот. Менталниот фокус му бил подобар, но настанале и негативни последици. Од непозната причина, либидото му опаднало.

Рос, кој истражувањето го почнал со 79 килограми и 13% масти, добил 4 килограми мускули и 2 килограми маснотии за време на експериментот. Нивото на холестерол му останало исто.

Низ фотки, тоа би изгледало вака:

M. Д. | Црнобело