Престанете да броите овци

Направивте сè што можете и умеете – навечер не пиете кафе, спалната ви е затемнета, не гледате хорори и не правите попис на утрешните обврски.

Па зошто и понатаму се превртувате и будите?

Некои навики за кои никогаш не би се сетиле, го саботираат здравиот сон. Што да направите?

1. Попладневни навики. Кафе и чај пред спиење не се добри за сонот. Но, внимавајте што пиете и во попладневните часови. Прескокнете го кафето и после ручекот. Напијте се свежо цеден сок.

2. Внимавајте што вечерате. Тешки оброци не се за пред спиење. Ако сте имале неколку ноќи немирен сон, за вечера јадете интегрални тестенини со свеж зеленчук и пармезан. Ова е комбинација од триптофан, аминокиселина која создава серотонин – хормон на среќата и помага за спиење. Млеко со крекери или јогурт со житарки е исто така добра комбинација.

3. Напијте се вино претходно. Нека биде тоа најдоцна во 6 часот попладне, а не во 23.

4. Капење. Топлата купка не се прави точно пред спиење. Сè она што ја зголемува телесната температура, го отежнува спиењето, затоа што на телото му е потребно одредено време за да се олади до посакуваната температура.

5. Растегнување. Умерени вежби можат да помогнат за опуштање и намалена напнатост на мускулите. 10 минути лесни вежби неколку часа пред спиење се одлични за подобар и полесен сон.

6. Пригушени светла. Направете си совршена атмосфера уште пред да заминете во кревет. Подгответе го телото дека е време за спиење.

7. Мобилните телефони се забранети. Никако вибрации, изгасете го телефонот. Инвестирајте во старомоден будилник и подгответе се за будење без snooze.