6 трикови како да ја зголемите безбедноста на домот, кога сте на пат

Не постои личност која не е загрижена за безбедноста на својот дом. Сепак, овде се наоѓаат сите наши работи, чуваме многу вредни предмети и сакаме да се осигуриме дека домот не е лесна мета за крадци.

Безбедноста на домот е нешто што сите треба да го сфатиме сериозно, особено во периоди кога одиме на патувања и нашите домови се празни по неколку денови.

Па, што можете да направите за да ја зголемите безбедноста во домот?

Ставете тајмер на светилките

Ако сте отсутни од дома на подолг период, не е исплатливо да ги оставите светилките вклучени. Покрај тоа, ако некој крадец забележи дека светилката во вашиот дом свети постојано, веројатно ќе му стане јасно дека внатре нема никој.

Затоа, најдобро ставете тајмер на светилките низ домот и наместете да се вклучуваат откако ќе се стемни, а да се исклучуваат кога би било време за спиење.

Набавете сензори за движење

Јасно е како ќе ви помогнат сензорите за движење – ќе ви кажат ако биде забележано некакво движење во вашиот дом кога не сте дома. Модерните сензори можат да ви испратат порака на телефонот, па веднаш ќе знаете ако некој влезе во вашиот дом.

Подобрете го односот со соседите

Ако сте во добар однос со соседите, тогаш среќата е на ваша страна. Дури и ако треба да отпатувате на неколку недели, тие ќе можат да внимаваат на вашиот дом.

Ќе можат одвреме-навреме да проверуваат, а и сигурно ќе ве известат ако забележат дека некој се обидува да влезе внатре.

Ставете брави со клуч на прозорците

Ако живеете на понизок кат или во куќа, добро би било да ставете и брави со клуч на прозорците. Наводно, на овој начин прозорите ќе бидат многу потешки за обивање.

Истовремено, можете и да ставите темна фолија на стаклата – со ова крадците нема да можат што има во внатрешноста на домот, па помала е веројатноста да се обидат да влезат.

Замолете некој да ја собира поштата

Полното поштенско сандаче е јасен знак дека вашиот дом е празен. Во овој случај повторно ќе ви помогне добриот однос со соседите – едноставно, замолете ги да ја земаат вашата пошта.

Не споделувајте дека сте на одмор на социјалните мрежи

Можеби едвај чекате да објавите фотка од одморот, но ако имате многу пријатели и следбеници на социјалните мрежи, подобро воздржете се додека да се вратите дома.

Ако не знаете кој сè ги гледа вашите објави, тогаш не знаете ни дали меѓу нив има крадец кој само чека да го напуштите домот.

Спирова С. | Црнобело