Строгите правила на кралските венчавки што гостите најчесто ги прекршуваат

Рамената на жените мораат да бидат покриени

Жените можат слободно да носат фустан со тенки рамки или голи рамена, но треба да имаат и палто или нешто слично за да го покријат тој дел од телото.

Но, и ова е правило што гостите сè почесто го прекршуваат.

Пиењето чај со испружен мал прст е неучтиво

Гостите не би требало да пијат шолја чај со испружен мал прст бидејќи ова се смета за неучтиво, па дури и навредливо.

Гостите треба правилно да го користат приборот

Ако ве поканат на кралска венчавка, ќе мора да го научите британскиот бон-тон за на маса. Сите гости треба да ги знаат овие правила и се очекува да ги почитуваат, без разлика што се многу.

Гостите кои добиле титула од кралицата не треба да ги носат нивните значки

Кралицата има моќ да доделува титули на „обични“ луѓе, но тие не смеат да ги носат нивните значки и медали на кралските венчавки.

Ова правило го прекрши Дејвид Бекам. Кралицата го прогласи Дејвид за офицер на Редот на Британската Империја (титула пониска од витез), а тој си ја носеше значката на свадбата на Вилијам и Кејт.

Жените мораат да носат хулахопки

Жените мораат да носат хулахопки на кралските венчавки. Жените од кралското семејство, пак, мораат да го почитуваат ова правило и на други настани.

Но, и ова е правило што се прекршува многу често.

Спирова С. | Црнобело