Лицето открива сè за човекот – Што значи кога имате тенки веѓи, полни усни или големи очи?

Се верува дека одредени црти на лицето и надворешниот изглед можат да ви помгнат да протолкувате за каква личност станува збор.

Врз основа на обликот на лицето, очите, веѓите и усните може да се откријат многу карактерни особини. Дали личноста е отворена или не, дали има смисла за хумор, колку има самодоверба, дали може да ѝ се верува...

Се верува дека посебно внимание треба да им се посвети на овие делови од лицето при анализа на личноста:

Обликот на веѓите

Се верува дека луѓето со широки и дебели веѓи сакаат да бидат доминантни, додека луѓето со тенки веѓи се пофлексибилни и имаат „полесна“ природа. 

Ако некој има екстремно тенки, речиси невидливи веѓи, тоа значи дека не е сигурен во себе и дека му треба многу време за да стекне нечија доверба.

Форма на усни

Се верува дека на луѓето со пополни усни им е потешко да чуваат тајни и имаат тенденција, дури и несвесно, да зборуваат за туѓите животи, додека луѓето чија горна усна е потенка од долната се исклучително лојални.

Исто така, колку е поголемо растојанието помеѓу носот и усните, толку е подобра смислата за хумор кај личноста, додека малото растојание помеѓу носот и усните укажува на личност која лесно се навредува и не поднесува шеги на своја сметка.

Облик на очи

Реченицата „очите се огледало на душата“ ни е добро позната, а со помош на очите може да се прочита за каква личност станува збор.

Големите очи симболизираат отвореност, особено ако личноста со крупни очи се смее гласно. Таквите луѓе имаат силни чувства и често сакаат да бидат во центарот на вниманието.

Покрај тоа, луѓето со големи очи се повеќе склони кон импулсивни реакции.

Од друга страна, се верува дека луѓето со поситни очи се позатворени и срамежливи типови.

Форма на лице

Издолженото лице без премногу изрази укажува на личност која е склона кон долга анализа на нештата. Таквите луѓе често се неодлучни, тешко преземаат ризици и се несигурни.

За разлика од нив, луѓето со тркалезно лице и подвижни изрази на лицето главно имаат голема самодоверба, комуникативни се и речиси секогаш го постигнуваат она што го сакаат.

(О)Милена | Црнобело