Релаксација на базен

Пред да влезете во базен – задолжително истуширајте се! Тоа има хигиенска. но и адаптациона улога. Со испирањето на кремата за сунчање и валканоста ќе спречите да се извалка водата, а истовремено ќе го подготвите телото за промена на температурата.

Исто така и туширањето по излегување од базен има своја позитивна страна. Со испирање на хлорот ќе го спречите сушењето на кожата.

Без оглед на тоа дали летото ќе го поминете на базен, употребата на средства за сончање е неопходна. Хлорот во комбинација со штетното зрачење на сонцето нема да донесе ништо добро.

Би било пожелно при тоа да не користите маслиново масло и други мрсни препарати затоа што нивните остатоци ќе се забележат во базенот. Во секој случај, телото намачкајте го половина час пред повторно да се одлучите да влезете во вода.

Имајте на ум дека кожата не е единственото нешто што теба да се заштити од хлорот - на удар е и косата!

Доколку добро не ја исплакнете по секое излегување од базен, хлорот негативно ќе влијае на пигментите и на кожата на главата – дополнително ќе ја исуши косата и ќе направи да изгледа неугледно.

Поради тоа тушот е спасоносно решение! Со малку почит кон другите, нема ниту една причина ова лето да не се релаксирате покрај некој отворен базен.