Најосаменото дрво во светот и уште 7 природни светски чуда кои не постојат повеќе

Најосаменото дрво во светот за кое многумина велеа дека е „чудо“ и чии корени продираа 30 метри во земјата до подземен резервоар со вода се наоѓаше среде Сахара, а во 1970-тите беше уништено од камионџија.

До денес сме изгубиле многу природни чуда – дел поради суровоста на природата, но повеќето поради нашата немарност.

Ако не станеме повнимателни, дефинитивно ќе изгубиме уште многу вакви чуда и засекогаш ќе го промениме ликот на нашата планета.

Кои природни светски чуда повеќе не постојат?

Глечерот на планината Чакалтаја, Боливија

Глечерот на планината Чакалтаја беше стар можеби 18.000 години. Научниците почнаа да ја следат неговата големина во 1990-тите, кога станало очигледно дека се намалува и тогаш предвидуваа дека ќе „преживее“ до 2015 година.

Тој период глечерот веќе изгубил 60% од неговата големина.

И покрај предвидувањата на експертите, глечерот драстично се намали во 2007-ма, за целосно да се стопи во 2009 година.

Причината за неговото исчезнување се климатските промени, односно зголемените температура и влажност на воздухот, како и зачестените врнежи од дожд.

„Азурен прозорец“, Малта

Уникатните карпи во Малта, познати и како Азурен прозорец, беа една од главните туристички атракции.

Лакот што го опишуваа карпите од варовник се издигнуваше на височина од 28 метри, а наводно е остаток од пештера која се срушила во 19-тиот век.

Но, по голема бура на 8-ми март 2017 година, лакот се сруши.

Реката Слимс, Канада

Реката Слимс во Канада ја добиваше својата вода од глечер, а во 2017 година се пресуши во рок од само неколку денови.

Првичната причина за ова е наглото намалување на глечерот, поради што водата од него почнала да тече во друга река, наместо во Слимс.

Според некои експерти, ова е првото големо негативно влијание на луѓето врз река поради климатските промени кои самите ги предизвикавме.

Сушењето на реката имаше негативно влијание врз околината, беше причина за смртта на многу риби и ги промени околните езера. Покрај тоа, во областа почнале да се појавуваат песочни бури.

Дрвото тунел, Калифорнија

Во Calaveras Big Trees State Park - парк во Калифорнија - имаше дрво старо над 1.000 години преку чие стебло беше направен тунел. Дијаметарот на неговото стебло достигнуваше и до 10 метри.

Од молња и шумски пожар, на стеблото настанала огромна дупка, а во 1880-тите дупката била претворена во тунел.

Во 2017 година областа ја зафати силна бура – каква што немало цела деценија – и дрвото беше искорнато.

Експертите сметаат дека поплавата што настанала од бурата, во комбинација со малите корени на дрвото, се причина за неговиот пад.

Продолжува на следната страница...