Водич: Што да правите во ситуации кога ви е загрозена безбедноста?

Ако некој ви поставува премногу лични прашања и почне да ве прашува и за вашиот автомобил, кажете му дека е изнајмен, а не ваш.

Кога ќе ви пријде непозната личност, не мора да значи дека ви мисли лошо, но ако ви поставува премногу прашања дури и кога е очигледно дека не ви се зборува, сигурно ќе се почувствувате непријатно, па дури и исплашено.

Ако сте вознемирени и почнувате да се плашите за вашата безбедност, постојат неколку совети и трикови што ќе ви бидат од помош.

Се разбира, не треба постојано да живеете во страв и да мислите дека секоја непозната личност сака да ви наштети, но добро е да знаете како да се погрижите за вашата безбедност во непредвидливи ситуации.

Неколку совети што е добро да ги знаете:

Ако некој ве прашува за автомобилот, речете дека е изнајмен

Некогаш некој може да ви постави прашање за автомобилот само од љубопитност или бидејќи навистина го интересираат автомобили.

Но, ако се чувствувате непријатно, можете да го избегнете разговорот ако кажете дека автомобилот ви е изнајмен.

Кажувајте им на мајсторите дека не живеете сами

Ако првпат викате некој мајстор којшто не го познавате и почне да ви поставува премногу лични прашања, најдобро нагласете дека не живеете сами, без разлика дали тоа е така или не.

Ако сте вознемирени, спомнете дека наскоро чекате да си дојде сопругот, момчето или слично.

Кажувајте дека не сте сами или дека некој ве чека

Ако, на пример, патувате сами некаде, немојте да откривате дека сте сами кога некој ќе почне да ви поставува прашања.

Подобро кажете дека со вас има и друга личност којашто ја чекате или која треба да ве пречека некаде.

Скријте ги легитимациите во јавен превоз

На студентската или легитимацијата од работа стојат вашите име и презиме, па најдобро не го покажувајте овој документ кога сте во јавен превоз.

Никогаш не знаете кој ќе го погледне и кој може да ги злоупотреби овие информации.

Кога нарачувате храна со достава кажете машко име за нарачка

Ако сте сами и нарачувате храна, а притоа не се чувствувате пријатно бидејќи не ги знаете доставувачите, слободно кажете машко име.

Вака сигурно ќе се чувствувате подобро бидејќи доставувачот ќе мисли дека во домот има и машко лице.

Лажете за работните часови

Ако некој ве прашува кога сте слободни или кога завршувате со работа, а се обидувате да го избегнете, можете да кажете дека вашите работни часови се непредвидливи.

Истовремено, никако немојте да откривате каде работите.

Преправајте се дека не го разбирате јазикот

За жал, многу жени се соочуваат со секакви дофрлања на улица кои не се воопшто пријатни. Ако некој упорно ви зборува, можете само да се преправате дека не го разбирате што зборува.

Добро би било да прокоментирате нешто на друг јазик (не англиски, бидејќи многу луѓе го знаат) и да продолжите да се движите.

За ова, доволно е да научите само некоја фраза на кој било јазик. На пример, „No lo entiendo“ значи „Не разбирам“ на шпански.

Спирова С. | Црнобело